პარლამენტში "მაუწყებლობის შესახებ" კანონში დაგეგმილი ცვლილებების პროექტის განხილვა ხმაურის ფონზე მიმდინარეობს.

უმრავლესობა ცვლილებებზე საუბრისას არგუმენტად ევროდირექტივებს იშველიებს. ხოლო უმცირესობა ამბობს, რომ ტელემაუწყებლებზე სარეკლამო დროის შეზღუდვას ევროვერდიქტი არ მოითხოვს და ეს ცვლილება „რუსთავი2“-ის წინააღმდეგ არის მიმართული.

"ზოგადსაკაცობრიო და პოლიტიკური ინტერესები ისეთ ლეღვის ფოთლად შეიძლება იყოს გამოყენებული, როგორ ლეღვის ფოთლადაც ახლა ევროდირექტივების გამოყენება ხდება", - განაცხადა უმცირესობის დეპუტატმა დავით დარჩიაშვილმა.

მას უმრავლესობიდან ზურაბ ტყემალაძემ უპასუხა.

„მართლაც ლეღვის ფოთოლი რომ ხარ, უნდა იცოდე სად ლაპარაკობ და რას ლაპარაკობ", - მიმართა ტყემალაძემ დარჩიაშვილს.