fresh news -ის მიერ მომზადებული რეპორტაჟის შემდეგ ,,ეროვნული ფორუმის'' წევრი ელგუჯა მერგანტია კრიმინალურ პოლიციაში დაიბარეს.

ფაქტს თავად მერგანტია ადასტურებს და ამბობს, რომ მას რესტორან „ფაზისში“ მომხდარ ფაქტთან დაკავშირებით მოწმის სტატუსით დაკითხეს.

fresh news -ის მიერ მომზადებულ სიუჟეტს უმრავლესობის დეპუტატი ეკა ბესელიაც გამოეხმაურა და შვილის მიმართ გაჟღერებული ბრალდებები უარყო.

„როგორ უნდა უპასუხო იაფფასიან, მოგონილ სიცრუეს ? არ უნდა უპასუხო, არც ვპასუხობ, როცა მე მეხება, მაგრამ ჩემს გამო, როდესაც შვილს უკვე მერამდენედ ესხმიან თავს, წამებენ ცილს და აყენებენ ტრამვას, ამაზე არ ვაპირებ გაჩუმებას და არც პატიებას.

ახლა ვნახე ნანუკა ჟორჟოლინის მედია საშუალებით მომზადებული ცილისმწამებლური და მოგონილი სიუჟეტი“, - ნათქვამია ბესელიას მიერ გავრცელებულ განცხადებაში.

fresh news-ზე გასულ სიუჟეტში რესტორან „ფაზისში“ მომხდარ ინციდენტზეა საუბარი.

სპეციალურ რეპორტაჟში „ქართული ოცნების“ წევრი ელგუჯა მერგანტია ამბობს, რომ რამდენიმე დღის წინ რესტორანში ეკა ბესელიას შვილი რატი მილორავა მაღალჩინოსან ძალოვანებს კონკრეტული ადამიანების დაკავებაზე ესაუბრებოდა.

fresh news -ის მიერ მომზადებული სიუჟეტი იხილეთ ლინკზე