დღეს, ბრიუსელში ნატოს მინისტერიალი გაიმართება, სადაც ალიანსის წევრი ქვეყნების თავდაცვის მინისტრები უკრაინაში შექმნილ ვითარებას და უსაფრთხოების ზომების გაძლიერების თემებს განიხილავენ.

ნატოს ოფიციალური წარმომადგენლის, ოანა ლუნგესკის განცხადებით, მინისტრები უკრაინისთვის იარაღის მიწოდების საკითხის განხილვასაც აპირებენ.

„ნატო, როგორც ალიანსი იარაღის მიწოდებას ვერ განახორციელებს, ამიტომაც წევრ ქვეყნებს ამ საკითხთან დაკავშირებით გადაწყვეტილების მიღება ინდივიდუალურად შეუძლიათ“- აღნიშნა მან.

ალიანსის გენერალური მდივნის, იენს სტოლტენბერგის თქმით, მსოფლიომ აღმოსავლეთ უკრაინაში ვითარების გაუარესება არ უნდა დაუშვას. „ალიანსი განიხილავს ყველა შესაძლო გზას, რათა კონფლიქტი დროულად და მშვიდობიანად მოგვარდეს“- განაცხადა სტოლტენბერგმა.