ე.წ. კაბელების საქმეზე დაკავებულების სასამართლო პროცესი აპრილამდე გადაიდო. თავდაცვის სამინისტროს ყოფილი მაღალჩინოსნების ადვოკატები ფიქრობენ, რომ პროკურატურას შესაბამისი მტკიცებულებები არ აქვს და პროცესს ხელოვნურად წევენ.

„პროცესის გადადება უკვე მეორედ მოხდა. როგორც პროკურატურის იმჟამინდელ შუამდგომლობაში, ასევე სასამართლოს განჩინებაში წერია, რომ პროკურატურამ საქმის გადადება რამდენიმე გარემოების გამო ითხოვა. უნდა დაიკითხოს ირაკლი ალასანია, მისი მოადგილე ბროლაძე და ექსპერტები. შემდგომ, როდესაც გადაიდო სასამართლო პროცესი, შუამდგომლობაში კვლავ იგივე მოთხოვნები იყო. როგორ ვერ მოახერხეს, ორი თვის განმავლობაში ამ პირების დაკითხვა. სასამართლო არც კი დაინტერესდა თუ რატომ არ მოხდა მათი დაკითხვა ამ პერიოდის განმავლობაში“, - განაცხადეს დაკავებულების ადვოკატებმა.