ლევან გაბუნია შვილის მკვლელობაში ვაზაგაშვილის დადანაშაულების შემდეგ პროკურატურაში დაიბარეს

სამართალი - 21:59, 04 Feb, 2015

4668

ლევან გაბუნია, რომელმაც ზურაბ ვაზაგაშვილი თავისი შვილის გიორგი გაბუნიას მკვლელობაში დაადანაშაულა პროკურატურაში დაიბარეს, 2002-2003 წლებში მომხდარი მკვლელობები გაუხსნელია, გარდაცვლილის მამა კი ბექა პაპუაშვილის და გიორგი გაბუნიას მკვლელობების საქმეების გაერთიანებას ითხოვს, რადგან მისი თქმით ორივე მკვლელობაში ერთი და იგივე პიროვნება მონაწილეობდა,

ლევან გაბუნიას პროკურატურა გადაცემა „არჩევანში“ გაკეთებული განცხადებების შემდეგ დაუკავშირდა

ლევან გაბუნიას და ვაზაგაშვილების ადვოკატ ირმა ჭკადუას შორის დღეს საქალაქო სასამართლოში შელაპარაკება მოხდა:

„თქვენ თუ შვილი მოგიკლათ ვინმემ თეთრ მაისურში გამოწყობილი კი არ უნდა პოზიორობდეთ, შვილმკვდარი მამები ესე არ იქცევიან, არ დადიან და არ ჭორაობენ, შენი შვილი ვინ მოკლა ეგ ვერ გაგიგია და იურას აბრალებ?“- განუცხადა ირმა ჭკადუამ გაბუნიას.

ლევან გაბუნიამ კი ჭკადუას საპასუხოდ განაცხადა, რომ გამოძიება ყველაფერს დაამტკიცებს.

შეგახსენებთ ლევან გაბუნიამ გადაცემა „არჩევანში“ განაცხადა, რომ მისი შვილი გიორგი გაბუნია შეესწრო ბექა პაპუაშვილის მკვლელობას, რომელიც ზურაბ ვაზაგაშვილმა 2002 წელს ჩაიდინა, შემდეგ კი ვაზაგაშვილმა მოწმეც მოიშორა და გიორგი გაბუნიაც მოკლა. 2002 წელს გაბუნია გაურკვეველ ვითარებაში გარდაიცვალა.

,,ამ მკველობის მოწმე იყო ჩემი შილი გიორგი გაბუნია, შემდეგ წლისთავზე ჩემი შვილი, როგორც მოწმე მოიშორა ვაზაგაშვილმა, რომ პასუხი არ ეგო, მან მაშინვე არ აგო პასუხი, მაგრამ ეს იყო 2002 წელი, 2003 წელს მთავრობა შიეცავალა და იმის შიშით რომ ახალ მთავრობას ეს საქმე არ გამოეძიებინა მოწმე მოიშორეს“ - განაცხადა ლევან გაბუნიამ.

ლევან გაბუნია აცხადებს, რომ ზურაბ ვაზაგაშვილი და მისი მამა იური ვაზაგაშვილი კრიმინალი იყო.