ადვოკატი მოსამართლისა და პროკურორის ცემის საქმის სხვა სასამართლოსთვის გადაცემას მოითხოვს

სამართალი - 16:37, 04 Feb, 2015

1435

ოზურგეთის რაიონულ სასამართლოში პროკურორისა და მოსამართლის ცემისა და შეურაცხყოფის ფაქტზე სასამართლო პროცესი გაიმართა. ბრალდებულთა (ზაქარეიშვილი და ცქვიტინიძე) ადვოკატმა მოსამართლის ლევან დარბაიძის აცილება და ოზურგეთის რაიონული სასამართლოდან საქმის სხვა სასამართლოში გადატანა მოითხოვა, ადვოკატის თქმით, ვინაიდან დაზარალებულები ოზურგეთის რაიონული სასამართლოს თავმჯდომარე ბიძინა სტურუა და სასამართლს სხვა თანამშრომლები არიან, მოსამართლეზე ზეწოლოს დიდი ალბათობის გამო, აუცილებელია საქმე სხვა სასამართლოს გადაეცეს.

მოსამართლემ ბრალდებულთა ადვოკატის შუამდგომლობა არ დააკმაყოფილა და საქმის განხილვა ისევ ოზურგეთის სასამართლოში გაგრძელება. ადვოკატის მეორე შუამდგომლობა, სხდომის 18 თებერვალს გადადებასთან დაკავშირებით დაკმაყოფილებულია .

შემთხვევა 2014 წლის 20 ნოემბერს მოხდა, ბრალდებულმა რიჩარდ ცქვიტინიძემ არ გაითვალისწინა მოსამართლის მითითება წესრიგის დაცვასთან დაკავშირებით, რის გამოც გაძევებულ იქნა სხდომის დარბაზიდან. საბადრაგო სამსახურის მიერ მსჯავრდებულის გაყვანამდე მან არაერთხელ შეაგინა მოსამართლესა და პროკურორს, შემდგომ დაუსხლტა ხელიდან ბადრაგს და პროკურორს დაარტყა ხელი.