უკრაინის პრეზიდენტი, პეტრე პოროშენკო ვლადიმერ პუტინს დაემუქრა. ამის შესახებ გაზეთი Financial Times-ი წერს.

2014 წლის აგისტოში, მინსკის შეხვედრაზე უკრაინის პრეზიდენტი , პოროშენკო პუტინს დაემუქრა, თუკი აღმოსავლეთ უკრაინაში საბრძოლო მოქმედებებს არ შეწყვეტდა, ბრძოლაში მონაწილე, გარდაცვლილი ან ტყვედ ჩავარდნილი რუსი ჯარისკაცების სამხედრო ჟეტონებს გამოაქვეყნებდა. ასევე ჯარისკაცების დედებსა და ცოლებს შეატყობინებდა , თუ სად იმყოფებოდნენ რეალურად მათი ოჯახის წევრები.

სტატიის მიხედვით, პუტინმა უკრაინაში რუსული ჯარების ყოფნა უარყო. რუსეთის პრეზიდენტმა უკრაინელ კოლეგას განუცხადა, რომ მის „ხელთ 1.2 მილიონი ჯარისკაცი იმყოფება და როგორც კიევის, ასევე ევროკავშირისა და ნატოს წევრი ნებისმიერი ქვეყნის დედაქალაქის აღებას ორ დღეში შეძლებს"- წერს Financial Times-ი.

მოგვიანებით,ეს ამბავი პოროშენკომ რამდენიმე დასავლელ პოლიტიკოსს უთხრა. თუმცა რუსეთის ხელისუფლება ფაქტს არ ადასტურებს.

Financial Times-ის განცხადებით, აღნიშნულ ინფორმაციას სანდო წყაროზე დაყრდნობით ავრცელებს.