"იყო მინიშნებები, რამე მეთქვა და გარეთ ვიქნებოდი... მირჩევნია აქ ვიჯდე"- ლევან ბეროძე

სამართალი - 14:50, 04 Feb, 2015

1426

თბილისის საქალაქო სასამართლოში მიმდინარე პროცესისას ე.წ კორტების სპეცოპერაციის საქმეზე დაკავებულმა ყოფილმა სამართალდამცავმა ლევან ბეროძემ იმ მინიშნებების შესახებ ისაუბრა, რომლის სანაცვლოდაც მას თავისუფლებას პირდებოდნენ:

„იყო მინიშნებები, რამე მეთქვა და გარეთ ვიქნებოდი. ვიღაცაზე ხელის დადებას მირჩევნია აქ ვიჯდე“-განაცხადა ბეროძემ.

შეგახსენებთ, ე.წ კორტების სპეცოპერაციის საქმეზე, პროკურატურის მიერ სასამართლოს განჩინების საფუძველზე, განზრახ მკვლელობის, მტკიცებულებათა ფალსიფიკაციის და განზრახ უკანონო დაკავების ბრალდებებით დაკავებულ იქნა 11 პირი:

შსს ცენტრალური კრიმინალური პოლიციის დეპარტამენტის დირექტორის ყოფილი მოადგილე ირაკლი ფირცხალავა;

შსს ცენტრალური კრიმინალური პოლიციის დეპარტამენტის სამძებროს სამმართველოს უფროსის ყოფილი მოადგილე გიორგი ცააძე;

შსს კრიმინალური პოლიციის დეპარტამენტის ყოფილი გამომძიებელი ლევან ბეროძე;

შსს ქ.თბილისის შს მთავარი სამმართველოს სპეცდანიშნულების ჯგუფის ყოფილი უფროსი კახაბერ ნაკანი და მისი ყოფილი მოადგილე გიორგი გულბიანი;

სპეცდანიშნულების ჯგუფის წევრები: იასონ მილაძე, ალექსანდრე ციმაკურიძე, ზურაბ ჯოხაძე, დავით ალელიშვილი, სოსო ჩაკვეტაია და ალექსანდრე სანიკიძე.

ხოლო ერთი პირის - შსს კრიმინალური პოლიციის დეპარტამენტის ყოფილ გამომძიებელ გრიგოლ კვინიკაძის მიმართ, რომელსაც დატოვებული აქვს საქართველოს საზღვარი, გამოტანილ იქნა დადგენილება ბრალდების შესახებ.