ჩოხატაურში 45 წლის მამაკაცი 5 წლის ბავშვთან გარყვნილი ქმედების გამო დააკავეს

სამართალი - 14:14, 04 Feb, 2015

18349

არსებული ინფორმაციით, არასრულწლოვანზე ჩოხატაურის მუნიციპალიტეტის დაახლოებით 45 წლით მამაკაცმა იძალადა. შემთხვევა რამდენიმე დღის წინ მოხდა. გოგონას ოჯახის წევრები მომხდარზე არ საუბრობენ. მცირეწლოვანი ბავშვის გაუპატიურების მცდელობის საქმე შინაგან საქმეთა სამინისტროს შეტყობინების შემოისვლისთანავე 22 იანვარს გახსნა.

წინასწარი ინფორმაციით, მამაკაცმა ბავშვი საცხოვრებელი ბინის ეზოდან მაღაზიაში გასაეირნებლად მოტყუებით წაიყვანა, თუმცა რადგან თემა არასრუწლოვან ბავშვს ეხება, დამატებითი დეტალების გახმაურებისაგან რედაქცია თავს იკავებს. გამომდინარე აქედან ჩვენ არც იმ ბაღს დავასახელებთ, სადაც აღსაზრდელი სწავლობდა.

`იმ დღეს ბავშვი ბაღში იყო, ბაღიდან 6 ნახევარზე წაიყვანა მამამ, ის 5 წლიან ჯგუფში სწავლობს, დანარჩენი ჩვენ არაფერი არ ვიცოდით, გავიგეთ მაშინ, როცა ბაღის გამგეს ბავშვის დახასიათება მოსთხოვეს. ბაღის გამგის თქმით, ის არაჩვეულებრივი და უნიჭიერესი ბავშვია.” – აცხადებს ჩოხატაურის ბაღების გაერთიანების უფროსი, ნინო ბარამიძე.

ოჯახის განცხადებით, აღნიშნულზე კომენტარის გაკეთების უფლება, გამოძიების დასრულებამდე არა აქვთ. ერთადერთი, რისი თქმაც ამჟერად შეძლეს, არის ის, რომ დაკავებული მათი მეზობელია და მან ბავშვი საცხოვრებელი ბინის ეზოდან მოტყუებით საღამოს საათბში, ბაღიდან მოსვლის შემდეგ გაიყვანა: `მეტს ვერაფერს გეტყვით, დანარჩენს გამოძიება დაადგენს, საქმე 5 წლის ბავშვს ეხება. ის კაცი დასაჭერია კი არა, მოსაკლავია".

არასწლოვან ბავშვის მიმართ გარყვნილი ქმედებაში ბრალდებული მამაკაცი, უწყებაში შემოსული შეტყობინებისთანავე დააკავეს. სამინისტროს პრეცსენტრის ცნობით, აღნიშნულ საქმეზე გამოძიება 141 მუხლით (გარყვნილი ქმედება) დაიწყო და 5-დან 7 წლამდე თავისუფლების აღკვეთით ისჯება.

თეა იოსელიანი, გურია