ე.წ კორტების სპეცოპერააციის საქმეზე ბრალდების მხარემ დაკავებულთათვის აღკვეთის ღონისძიებად მიმდინარე სასამართლო პროცესზე პატიმრობის შეფარდება მოითხოვა.

პროკურატურის წარმომადგენლები მიიჩნევენ, რომ არსებობს ბრალდებულთა მხრიდან მიმალვისა და მოწმეებზე ზეწოლის საფრთხე.

ბრალდების მტკიცებით, ერთ-ერთ ბრალდებულს, კრიმინალური პოლიციის ხელმძღვანელის ყოფილ მოადგილეს, ირაკლი ფირცხალავას აქვს შესაბამისი კონტაქტები, როგორც საქართველოში, ასევე მის ფარგლებს გარეთ.

„მას შემდეგ რაც, ფირცხალავას და დაცვის მხარეს გადაეცათ ბრალის დადგენილება, შესაძლოა, გააცნობიერა ბრალის სიმძიმე და მიმალვა სცადოს“, - განაცხადა სასამართლო დარბაზში პროკურორმა ირაკლი ნადარეიშვილმა.