გასული დღე-ღამის განმავლობაში, „ბოევიკების“ თავდასხმების შედეგად დაიღუპა 18 და დაიჭრა 19 ადამიანი.

გარდაცვლილთაგან 16 მშიდობიანი მცხოვრებია, 2 კი უკრაინელი ჯარისკაცი.

ამის შესახებ განცხადება, შეიარაღებული ძალების გენშტაბის ხელმძღვანელმა, ვლადისლავ სელეზნიოვმა გააკეთა.

„გასული 24 საათის განმავლობაში ,უკრაინელი სამხედროების პოზიციებისა და დასახლებების დაბომბვებს, 2 სამხედრო და 16 მშვიდობიანი მოქალაქე შეეწირა. 19-მა ჯარისკაცმა სხვადასხვა სიმძიმის დაზიანება მიიღო. დაჭრილები სამედიცინო დაწესებულებებში არიან გადაყვანილები“- განაცხადა სელეზნიოვმა დღეს გამართულ ბრიფინგზე.

უკრაინული მედიის ცნობით, „ბოევიკები“ დებალცევოზე აპირებენ შეტევას. გავრცელებული ინფორმაციით, სეპარატისტებმა არმია 3 000 ადამიანით განაახლეს, ასევე დამატებით 18 ტანკის, 23 ჯავშანმანქანისა და 55 სატვირთოს მობილიზება მოახდინეს.