მძღოლები ინდივიდუალური მეწარმის სტატუსის გაუქმებას, ნორმალური შრომის პირობების შექმნასა და დღიური გეგმის შემცირებას ითხოვენ.

"თბილისის მიკროავტობუსში" განმარტავენ, რომ მძღოლების პროტესტი გარკვეული ჯგუფების მიერაა პროვოცირებული: ,,ამ ყველაფერს გაფიცვას ვერ დავარქმევთ. ეს უფრო პროვოკაციას ჰგავს. მძღოლების ჯგუფმა გლდანის ავტოპარკში შესასველი ჩახერგა, მაგრამ პარკიდან ვინც გასვლა მოასწრო, იმ სამარშრუტო ხაზების მძღოლები ჩვეულებრივ მოძრაობენ. ჩვენი ინფორმაციით, მძღოლები გადასახადის შემცირებას ითხოვენ, თუმცა უნდა აღინიშნოს, რომ ყოველდღიური გადსახადი მათთვის დიფერენცირებულია მგზავრთა ნაკადის მიხედვით და 10-დან 60 ლარამდე მერყეობს. ამდენად, გადასახადის დაწესება კვლევის და გაანგარიშების მიხედვით მოხდა", - აცხადებენ კომპანიაში.