გურამ დონაძის ინფორმაციით, საქალაქო სასამართლოში საქმე ბუტა რობაქიძის მკვლელობის მუხლით არ მიმდინარეობს.

ამის შესახებ დონაძემ გადაცემა „არჩევანში“ განაცხადა.

„ბუტა რობაქიძის საქმეზე გამოძიება ორი წლის უკან დასრულდა. საქმე სასამართლოს 2013 წლის მაისში გადაეცა და დღემდე საქალაქო სასამართლოში საქმეზე 3 სხდომაა გამართული. რამდენიმე დღის წინ მანანა კობახიძემ თქვა, რომ გამოძიება ბუტა რობაქიძის საქმეზე გამოძიება არ დასრულებულა. ეს არის ტყუილი. სასამართლოში არ იხილება ბუტა რობაქიძის მკვლელობის საქმე. სასამართლოში დღეს იხილება ჩვენი უფლებამოსიფლების გადამეტების საქმე და იარაღების შემთხვევის ადგილზე ყოფნის საქმე. ის, რომ ბუტა რობაქიძე გურამ დონაძეს და ირაკლი ფირცხლავას არ მოუკლავს ეს დადასტურებულია. ადამიანს, რომელსაც ტყვია გაუვარდა, მან სასჯელი მოიხადა. ვწუხვარ, რომ ბატონმა სოსომ რამდენიმე დღის წინ თქვა, რომ ის შეხვდა ბიძინა ივანიშვილს და მან უთხრა, რომ გამოძიება ისე დასრულდება, როგოც მას უნდა. გამოძიება არა სასამართლო დასრულდება ისე როგორც ეს უნდა კანონს“, - განაცხადა დონაძემ და დასძინა, რომ გამოძიება უნდა დასრულდეს ისე, როგორც ამას კანონი და სამართლიანობა ითხოვს.