დონბასის კონფლიქტის მსხვერპლთა რაოდენობამ 5 ათასს გადააჭარბა.

ამის შესახებ, ადამიანის უფლებათა საკითხებში გაეროს უმაღლესმა კომისარმა , ზეიდ ალ-ჰუსეინმა ისაუბრა. მისი განცხადებით, აღმოსავლეთ უკრაინის კონფლიქტის შედეგად დაღუპულთა რიცხვმა 5258, ხოლო დაშავებულთა რიცხვმა 12 235 ადამიანს მიაღწია.

კომისარი ორივე მხარეს, ცეცხლის შეწყვეტისა და კონფლიქტის მშვიდობიანი გზებით მოგვარებისკენ მოუწოდებს.

„შედეგები კატასტროფულია. მხოლოდ ბოლო დამი კვირის განმავლობაში, დაიღუპა მინიმუმ 224 და 545 დაიჭრა ადამიანი. მხარეებს, მინსკის ხელშეკრულებით გათვალისწინებული შეთანხმებების შესრულებისკენ მოვუწოდებ“- განაცხადა ზეიდ ალ-ჰუსეინმა.