უცხოური მედიის ინფორმაციით, უზბეკეთის მოქმედი პრეზიდენტი, ისლამ კარიმოვი კომაშია.

როგორც „აზია პლიუსის“ იტყობინება, უზბეკეთის პრეზიდენტის ჯანმრთელობის მდგომარეობა 28 იანვარს გაუარესდა.

ერთერთი ოპოზიციური პარტიის განცხადებით, პრეზიდენტის ჯანმრთელობის მდგომარეობის შესახებ ინფორმაცია, სამთავრობო პირმა მიაწოდა.

გავრცელებული ინფორმაციით, კარიომვმა საკუთარ რეზიდენციაში ვახშმობისას გონება დაკარგა. რეზიდენციის მედპერსონალმა პრეზიდენტს პირველადი დახმარება აღმოუჩინა, თუმცა დამატებითი ექიმების გამოძახება საჭიროს გახდა. მიუხედავად მედიკოსთა სიმრავლისა, პრეზიდენტი დღემდე კომურ მდგომარეობაში იმყოფება.

კარიმოვის კომაში ჩავარდნის შემდეგ, პრეზიდენტის სასახლეში მთავრობის თავმჯდომარე, უშიშროების სამსახურის უფროსი და მინისტრები გამოცხადნენ.

შემთხვევის შესახებ, პრეზიდენტის პრესსამსახური კომენტარს არ აკეთებს. ექსპერტები შიშობენ, რომ კარიმოვის ჯანმრთელობის მდგომარეობას ქვეყანაში შესაძლოა დესტაბილიზაცია მოჰყვეს.

შეგახსენებთ, ისლამ კარიმოვი 25 წელია უზბეკეთის პრეზიდენტის პოსტს იკავებს. იგი 29 მარტს დაგეგმილ, საპრეზიდენტო არჩევნებშიც აპირებს მონაწილეობის მიღებას.