თეა წულუკიანს, კახი კალაძესა და ბეჟან გუნავას აფრთხილებენ

სამართალი - 16:06, 01 Oct, 2012

574

როგორც კინწურაშვილმა დღეს გამართულ პრესკონფერენციაზე განაცხადა, ისინი შეეცადნენ საარჩევნო უბნებზე შესულიყვნენ, რისი უფლებაც არ აქვთ და ისინი საოლქო კომისიის წევრები არიან და იქ ყოფნის უფლება აქვთ.
კინწირაშვილმა საარჩევნო პროცესში აღმოჩენილ სხვა დარღვევებზეც ისაუბრა, თუმცა მისი თქმით, საარჩევნო პროცესი მშვიდ და წყნარ გარემოში მიმდინარეობს.
,,უწყებათაშორის კომისიაში ფუნქციონირებს ცხელი ხაზი, რომელზეც ზარები შემოდის, როგორ პოლიტიკური სუბიექტების, ასევე უბარლო მოქალაქეების მხრიდან. შენიშვნები ეხება ცენტრალური კომისიის ფუნქციონირებას და საარჩევნო პროცესის მიმდინარეობას. ამ დროისთვის გამოვლენილი ძირითადი ტენდენციები შეეხება ბიულეტენების რაოდენობას საარჩევნო უბნებზე, რაზეც ცენტრალურმა საარჩევნო კომისიამ განმარტება უკვე გააკეთა. ასევე საჩხერეში გამოვლინდა დარღვევები, მოხდა ბეჭდების აღრევა, ეს პრობლემა ამ დროისთვის მოგვარებულია და ცსკ იმსჯელებს იმ უბნის შესახებ, სადაც დარღვევა ფიქსირდება. რაც შეეხება დამკვირვებლებს და იმას, რომ თითქოს გარკვეულ მათგანს ცსკ-ში დარეგისტირების საშუალება არ მიეცათ, მინდა, ავღნიშნო, რომ ამ არჩევნებზე უპრეცედენტო რაოდენობის, 63 000 756 დამკვირვებელია რეგისტრირებული. იმ საერთაშორისო ორგანიზაციებს კი, რომელთაც რეგისტრაციის შესაძლებლობა არ მიეცათ, არ წარმოუდგენიათ სათანადო ინფორმაცია, დაფინანსების წყაროების შესახებ", - განაცხადა კინწურაშვილმა.
მან ასევე პოლიტიკურ პარტიებს მოუწოდა, ყოფით ცხოვრებასთან დაკავშირებულ საკითხებს ნუ დაუკავშირებენ საარჩევნო პროცესს.
"დღეს გავრცელდა ინფორმაცია რომ "ქართული ოცნების" დამკვირვებელი იყო ნაცემი, როგორც გაირკვა, მან ფიზიკური დაზაიანება მიიღო არჩევნების წინა დღეს, კიბეზე დაგორების შედეგად და ამასთან დაკავშირებით არსებობს ექიმის ჩვენებაც. შესაბამისად, ეს ფაქტი არ უკავშირდება საარჩევნო პროცესს", - განაცხადა კინწურაშვილმა.