კრიმინალური პოლიციის ყოფილი უფროსი ირაკლი ქადაგიძე არ გამორიცხავს, რომ პროკურატურამ პასუხისგებაში ისიც მისცეს.

მისი თქმით, საჭიროების შემთხევაში მზად არის პროკურატურასთან ითანამშრომლოს.

ქადაგიძე ირაკლი ფირცხალავას და ყოფილი სამართალდამცველების დაკავებასაც ეხმაურება და ამბობს, რომ მას არანაირი სამართლებრივი დატვირთვა არ გააჩნია.

„ეს არის აბსურდული ბრალდება და ამას სამართლებრივ სივრცეში დავამტკიცებთ და საზოგადოებას ვამცნობთ იმას, რომ ეს ბიჭები სრულიად უდანაშაულოები არიან. ისინი არიან პატრიოტები, რომლებიც დღიდან მათი პოლიციაში მუშაობის დაწყებისა, მხოლოდ ქვეყანას ემსახურებიან,“ - განაცხადა ქადაგძემ.

ე.წ კორტების სპეცოპერაციის საქმეზე დაკავებულ შინაგან საქმეთა სამინისტროს ყოფილ თანამშრომლებს ბრალი ოფიციალურად წარედგინათ.