რუსეთის სახელმწიფო დუმის დეპუტატები გერმანიას, საბჭოთა კავშირზე თავდასხმისთვის კომპენსაციას სთხოვენ.

საკითხზე, რუსეთის ლიბერალ-დემოკრატიული პარტია მუშაობს, რომელის ლიდერი ვლადიმერ ჟირინოვსკია.

„საბჭოთა კავშირზე სასტიკი თავდასხმისთვის, გერმანიას არანაირი რეპარაცია არ გადაუხდია, მაშინ როდესაც, “ეროვნული უსამართლობის“ საკომპენსაციოდ, ისრაელმა 60 მილიარდ ევროზე მეტი მიიღო. გერმანიამ, მიყყენებული ზარალის ასანაზღაურებლად, იმ ქვეყნებსაც გადაუხადა, რომლებსაც მეორე მსოფლიო ომში მონაწილეობა საერთოდ არ მიუღია.

გამოდის, ბერლინმა ჰოლოკოსტის შედეგად გარდაცვლილების გამო კომპენსაცია გადაიხადა, ხოლო 27 მილიონი საბჭოთა კავშირის მოქალაქის დაღუპვას იგნორირებას უკეთებს. შესაბამისად, მეორე მსოფლიო ომში მოყენებული ზარალისთვის, საბჭოთა კავშირის მემკვიდრეს - რუსეთს, გერმანიამ 2-4 მილიარდი დოლარი უნდა გადაუხადოს“- ნათქვამია დუმას დეპუტატთა მიერ გავრცელებულ განცხადებაში.