სახალხო დამცველი უჩა ნანუაშვილი აცხადებს, რომ 2006 წლის 2 მაისს, კორტებთან ჩატარებული სპეცოპერაციის საქმის გამოძიებას მონიტორინგს გაუწევს, რათა დაკავებული ბრალდებულების უფლებები არ შეილახოს.

მისი თქმით, საზოგადოებაში არსებობდა მოლოდინი, რომ პროკურატურას აღნიშნული სპეცოპერაცია გამოეძიებინა.

„ძალიან მნიშვნელოვანია, რომ გაირკვეს ყველა დეტალი. ჩვენ რა თქმა უნდა, ამ პროცესს გავუწევთ მონიტორინგს და თვალ-ყურს ვადევნებთ, რომ გამოირიცხოს ნებისმიერი პირის, მათ შორის, სამართალდამცველი ორგანოების ყოფილი წარმომადგენლების უფლებების ხელყოფის ფაქტები“, - განაცხადა უჩა ნანუაშვილმა.