„ლეონიდ კუჩმა არაოფიციალური პირია და მინკის საკონტაქტო ჯგუფის შეხვედრებში მონაწილეობას ვერ მიიღებს. სანამ უკრაინის ექსპრეზიდენტი სიაში იქნება, ყველაფერს გავაკეთებთ იმისთვის, რომ შეხვედრა არ შედგეს“- განაცხადა ე.წ დონეცკის თვითგამოცხადებული რესპუბლიკის მეთაურმა, ალექსანდრ ზახარჩენკომ.

უკრაინის ანტიტერორისტული ოპერაციების პრესცენტრის ხელმძღვანელის, ანდრეი ლისენკოს განცხადებით, პრეზიდენტმა პოროშენკომ კუჩმას , მოლაპარაკებებში მონაწილეობის უფლება თავად მისცა და შესაბამისად, მას საკონტაქტო ჯგუფის წევრობის , ოფიციალური უფლებამოსილება გააჩნია.

უკრაინის ოფიციალური პირების განცხადებით, ისინი უკან დახევას და "ბოევიკების" პროვოკაციაზე წამოგებას არ აპირებენ.