შესაძლოა დღეს ე.წ. კორტების სპეცოპერაციის საქმე გაიხსნას. პროკურატურაში ამ წუთებში ვაზაგაშვილების ოჯახის ადვოკატი ირმა ჭკადუა იმყოფება. ადვოკატს საგამოძიებო ორგანოში შესვლამდე ვრცელი კომენტარი არ გაუკეთებია, თუმცა განაცხადა, რომ მისი პროკურატურაში მისვლა ფირცხალავას დაკავებას არ უკავშირდება.

”ბატონი იური ვაზაგაშვილის ამბავი რომ არ მომხდარიყო, ეს საქმე მაინც მალე გაიხსნებოდა. როდესაც გამოძიება ჩათვლის საჭიროდ, რომ საქმე დაასრულოს და იტყვის, რომ მას აქვს საკმარისი მტკიცებულებები, საქმე გახსნილად მაშინ გამოცხადდება,” - განაცხადა ჭკადუამ.

არსებული ინფორმაციით, დაკავებულია კრიმინალური პოლიციის ხელმძღვანელის ყოფილი მოადგილე ირაკლი ფირცხალავა, გამომძიებელი ლევან ბეროძე, სპეცრაზმის ყოფილი მეთაური კობა ნაკანი და კიდევ სამი ყოფილი სპეცრაზმელი - ჩაკვეტაია, ალელიშვილი და ჯაფარიძე.