იაპონია არასოდეს აპატიებს ტერორისტებს ამას- იაპონიის პრემიერ-მინისტრი

მსოფლიო - 12:04, 01 Feb, 2015

4517

იაპონიის პრემიერ-მინისტრის სინძო აბეს განცხადებით, იაპონია ” ტერორიზმთან ბრძოლაში არ დანებდება” და გააფართოებს თავის მხარდაჭერას იმ ქვეყნების მიმართ, რომლებიც ”ისლამური სახელმწიფოს ” წინააღმდეგ იბრძვიან. სახელმჭიფოს მეთაურის განცხადებიT იაპონია არასოდეს აპატიებს ტერორისტებს ამ მკვლელობებს და ისინი ამისთვის მკაცრად დაისჯებიან.

გუშინ ღამით ინტერნეტში გავრცელდა ვიდეო, რომელზეც იაპონელი ჟურნალისტის კენძი გოტოს სიკვდილით დასჯა იყო ასახული. ის მეორე იაპონელი მძევალია, რომელიც ისლამისტებმა ერთი კვირის განმავლობაში მოკლეს.

მკვლელების განცხადებით , ამ მეთოდით ისინი სჯიან იაპონიას, რომელიც დახმარებას უწევს ისლამურ სახელმწიფოსთან მებრძოლ საერთაშორისო კოალიციას.

47 წლის გოტო იაპონიაში ცნობილი დამოუკიდებელი ურნალისტი და კინემატოგრაფისტი იყო. ის სირიაში გასული წლის ოქტომბერში წავიდა. გავრცელებული ინფორმაციით , ის ცდილობდა გათავისუფლებაში დახმარებოდა თავის თანამემამულე ჰარუნ იუკავის, მაგრამ ჯიჰადისტების ხელში აღმოჩნდა.

იაპონელი დიპლომატები ცდილობდნენ მძევალთა გათავისუფლებისთვის მოლაპარაკებები ეწარმოებინათ, თუმცა ”ისლამურ სახელმწიფოსთან” პირდაპირი კონტაქტის დამყარება ვერ მოხერხდა.

ვიდეოჩანაწერი, რომელზეც პირველი იაპონელი მძევლის მკვლელობა იყო ასახული ინტერნეტქსელში 25 იანვარს გამოჩნდა.