"ლამპარი" - მართლმადიდებლური ჟურნალი მოზარდებისთვის

რელიგია - 22:02, 31 Jan, 2015

3281

2014 წლის 23 დეკემბერს უწმიდესისა და უნეტარესის, სრულიად საქართველოს კათოლიკოს-პატრიარქ ილია II-ის ლოცვა-კურთხევით გამოვიდა საყმაწვილო მართლმადიდებლურ-შემეცნებითი ჟურნალი "ლამპარი".
ჟურნალს აქვს სასწავლო-აღმზრდელობითი ღირებულება; მიზნად ისახავს, განამტკიცოს მოსწავლეებში ტრადიციული, მარადიული სულიერი ფასეულობები, ჩაუნერგოს მათ ღვთის, სამშობლოსა და მოყვასის სიყვარული; მშობლებისა და უფროსებისადმი პატივისცემა.

ჟურნალის მიზანია, თავისი შინაარსითა და სტრუქტურით ხელი შეუწყოს მოზარდებში მრავალმხრივი უნარ-ჩვევების განვითარებას და მათი ნიჭიერების გამოვლენას სხვადასხვა სფეროში.

ჟურნალ "ლამპარში" განსაკუთრებული ადგილი დაეთმობა: პატრიარქის ქადაგებებიდან ამონარიდებს და ბავშვების დამოძღვრას; ასევე საეკლესიო დღესასწაულებს, მოძღვრის რჩევა-დარიგებებს, სახელოვან მამულიშვილებს, ქართველ პოეტთა შემოქმედებას, ხალხურ პოეზიას, ხელოვნებას (ქორეოგრაფია, მუსიკა, მხატვრობა...), სპორტის სხვადასხვა სახეობას, გაგაცნობთ როგორც ჩვენი ქვეყნის სხვადასხვა კუთხის, ასევე საზღვარგარეთ მყოფი ქართული ეკლესია-მონასტრების ისტორიას.

მოზარდები გაეცნობიან უცხო ქვეყნების ღირსშესანიშნაობებს და ბუნების ულამაზეს ქმნილებებს.

ამ ჟურნალით არა მარტო მოზარდები, არამედ ზრდასრული მკითხველის უმრავლესობაც უთუოდ დიდ სულიერ საზრდოს მიიღებს და `ლამპარი~ მათი ერთგული მეგზური გახდება.