"აფრიკული კავშირი" ნიგერიაში მოქმედი ტერორისტული დაჯგუფება „ბოკო ჰარამის“ წინააღმდეგ საბრძოლველად სპეციალურ სამხედრო ფორმირებას ქმნის.

ახალ ფორმირებაში 5 ქვეყნის სამხედრო მოსამსახურეები გაერთიანდებიან და მთლიანობაში 7 ათას 500 ჯარისკაცისაგან შემდგარ დანაყოფს შექმნიან.

გაეროს გენერალური მდივანი ბან კი მუნი, აფრიკული კავშირის ინიციატივას მიესალმება და მხარს უჭერს.

2002 წელს შექმნილი დაჯგუფება "ბოკო ჰარამის" მთავარი მიზანი დასავლური სისტემის წინააღმდეგ ბრძოლა და ნიგერიის ტერიტორიაზე ისლამური ხალიფატის შექმნაა. დაარსებიდან დღემდე „ბოკო ჰარამის“ ტერორისტული თავდასხმების მსხვერპლთა რიცხვი 30 ათასს აღემატება.