ზუგდიდში, აქციაზე, რომელიც ბაჩო ახალაიას წიგნის "სოხუმი - ჩემი იერუსალიმიას" პრეზენტაციის პარალელურად გაიმართა და სადაც პატიმრობაში მყოფი თავდაცვის ყოფილი მინისტრის წიგნის პრეზენტაცია გააპროტესტეს, აქციის ორი მონაწილე ადმინისტრაციული წესით დააკავეს.

დაკავებულებს ბრალად წვრილმანი ხულიგნობა და წინააღმდეგობის გაწევა ედებათ.
აქციის მონაწილეებმა რამდენჯერმე სცადეს პოლიციის კორდონის გარღვევა და იმ შენობაში შეჭრა, სადაც წიგნის პრეზენტაცია მიმდინარეობდა. პოლიციამ მათ შენობასთან მიახლოების საშუალება არ მისცა, რამაც სამართალდამცველებსა და აქციის მონაწილეებს შორის დაპირისპირება გამოიწვია.