რუსეთში, პატიმრობაში მყოფ უკრაინელ მფრინავ, ნადეჟდა სავჩენკოს ბრალი დაუმძიმდა. უსაფრთხოების ფედერალურმა სამსახურმა სისხლის სამართლის ახალი საქმე საზღვრის უკანონო კვეთის ბრალდებით აღძრა.

რუსი სამართალდამცველების ინფორმაციით, 2014 წლის ივლისში სავჩენკომ რუსეთ-უკრაინის საზღვარი, აუცილებელი დოკუმენტების გარეშე, ლტოლვილის მსგავსად გადაკვეთა.

უკრაინის ხელისუფლებაში აცხადებენ, რომ პრორუს სეპარატისტებთან თანამშრომლობით, დაზვერვის სამსახურების მიერ სავჩენკოს რუსეთში გადაყვანა უკანონო ქმედება იყო.

33 წლის უკრაინელი მფრინავის საქმე განხილვის ერთ-ერთი მთავარი თემა იყო ევროსაბჭოს საპარლამენტო ასამბლეაზე.

2014 წლის ოქტომბრის საპარლამენტო არჩევნებში,პატიმრობის მიუხედავად, სავჩენკო რადის დეპუტატი გახდა, ხოლო 26 იანვარს საპარლამენტო ასამბლეის უკრაინის დელეგაციაშიც შეიყვანეს. უკრაინელი მფრინავის საკითხზე ასამბლეაზე დებატებიც გაიმართა