ოზურგეთში გურიის ტელევიზიიის მიმდებარე ტერიტორიაზე, ერთ-ერთ კერძო საცხოვრებელ სახლში სამი ყუმბარმტყორცნი ჭურვი აღმოაჩინეს. ამის შესახებ ინფორმაცია "გურიის მოამბეს" შინაგან საქმეთა სამინისტროს პრესსამსახურშიც დაუდასტურეს.

მათი განცხადებით, ჭურვები ოჯახის ნათესავებმა სახლის დალაგების დროს აღმოაჩინეს და ამის შესახებ პოლიციას აცნობეს.

'სახლში მარტოხელა მოხუცი ცხოვრობდა, რომელიც გარდაიცვალა რამდენიმე ხნის წინ, მისის ნათესავები სახლს ალაგებდნენ და ამ დროს აღმოაჩინეს სამი ყუმბარმტყორცნის ჭურვი, რომელიც ამ ეტაპზე გააუვნებელყვეს", - აცხადებენ შსს-ში.

მომხდართან დაკავშირებით მიმდინარეობს გამოძიება, საქმე სისხლის სამართლის 236-ე მუხლით მიმდინარეობს, რაც ცეცხლსასროლი იარაღის, საბრძოლო მასალის, ტარება, დამზადება და გასაღებას ითვა;ისწინებს.