ევროსაბჭოს საპარლამენტო ასამბლეამ რუსეთის წინააღმდეგ დაწესებული სანქციები ძალაში დატოვა. გავრცელებული ინფორმაციით, სანქციები 6 თვით გაგრძელდება.

სანქციები შესაძლოა გაუმკაცრდეს, ევროკავშირის „შავ სიაში“ მყოფ პირებსაც.

„ აღმოსავლეთ უკრაინაში ვითარების გაუარესების გამო, აუცილებლად მივიჩნევთ რუსეთისთვის დაწესებული სანქციების ძალაში დატოვებას. უსაფრთხოების დაცვისა და მშვიდობის აღდგენის მიზნით, შეზღუდვები გაგრძელდება „შავ სიაში“ მყოფი პირებისთვისაც.

ევროკავშირი განაგრძობს კონფლიქტის ზონაში მონიტორინგს და თვალყურს ადევნებს მინსკის მოლაპარაკებებით გათვალისწინებული შეთანხმების შესრულებას“- ნათქვამია ევროსაბჭოს მიერ მიღებულ კანონპროექტში.

შეგახსენებთ, გუშინ გამართულ მინისტერიალზე, რუსეთის ხმის უფლება არ დაუბრუნეს და აპრილამდე შეუჩერეს.

სანქციებთან დაკავშირებულ კონკრეტულ გადაწყვეტილებებს, ევროკავშირის საგარეო საქმეთა მინისტრები, სავარაუდოდ დღეს ბრიუსელის მინისტერიალზე მიიღებენ.