მთავარ პროკურატურაში მამუკა არეშიძის დაკითხვა დასრულდა. როგორც ექსპერტმა ჟურნალისტებთან საუბრისას განაცხადა, საგამოძიებო უწყებას იური ვაზაგაშვილის საქმეზე ინფორმაცია მიაწოდა.

„ჩემი ვერსია ასეთია, რომ ეს ძალოვანების მიერ მოწყობილი ამბავია. ვერ გეტყვი ყოფილები არიან თუ დღერსაც მუშაობენ ისინი, მაგრამ ეს ყველაფერი მათ ხელწერას ჰგავს. არა მარტო იმიტომ, რომ ასაფეთქებელი მასალა გააზრებულად იყო დაყენებული, არამედ იმიტომაც, რომ მათთვის უსაფრთხოების ზომები კარგად იყო დაცული. ასევე ხელწერის ნაწილია, რომ მკვლელმა უკვე დატოვა საქართველოს ტერიტორია. ამაზე ვისაუბრე საგამოძიებო უწყებაში და ისიც დავაყოლე, რომ მთავარია შემსრულებელი, რომლის კვალი შეიძლება დიდი ხნის განმავლობაში შეიძლება არ გამოჩნდეს, თუმცა დამკვეთებისგან ეს ინფორმაცია ადრე თუ გვიან გაირკვევა“, - განაცხადა არეშიძემ.