მნიშვნელობა არ აქვს არჩევანი რომელი ჯიშის ძაღლზე შეაჩერეთ, გახსოვდეთ რომ მას გასუფთავება და მოვლა სჭირდება, არის რამდენიმე დეტალი, რომელიც ძაღლის ბანაობისას აუცილებლად უნდა იცოდეთ. რამდენ ხანში ერთხელ უნდა აბანაოთ, როგორ შეურჩიოთ შამპუნი,როგორ დაიცვათ გაციებისგან ბანაობის შემდეგ.

ძაღლი ბოლო ვაქცინაციის ჩატარებიდან ორი კვირის შემდეგ უნდა აბანაოთ, თუ მას ყველა აცრა არ აქვს ჩატარებული მისი დაბანა არ შეიძლება.

ბანაობამდე ძაღლს ბეწვი სპეციალური ძაღლის სავარცხლით უნდა დავარცხნოთ, მოუთავსეთ ბამბა ყურებში რათა ყურების გაციება და ანთება აიცილოთ თავიდან. ძაღლის დაბანა უნდა მოხდეს ძაღლის სპეციალური შამპუნით, აკრძალულია ძაღლისთვის ადამიანის შამპუნის გამოყენება, რადგან ის შეიცავს ისეთ მინარევებს რომელიც ძაღლის კანის საფარველს აზიანებს. წყალი უნდა გათბეს 35 გრადუსამდე, ძაღლი კარგად დაასველეთ წყლით, დაასხით შამპუნი ზურგზე და ააქაფეთ, არავითარ შემთხვევაში შამპუნი არ უნდა მოხვდეს თვალებში.

უმჯობესია ძაღლის დაბანა მოხდეს საღამოს საათებში, რადგან ღამის განმავლობაში ის სახლში რჩება და გაციების საშიშროება ნაკლებია.

ბანაობის შემდეგ კარგად გაამშრალეთ ჯერ პირსახოცით შემდეგ კი თმის საშრობით.

დაბანის შემდეგ მას უნდა ჩაუტარდეს შესაბამისი პროცედურები, რაც გულისხმობს ფრჩხილების დაჭრას და ყურების გამოწმენდას, გრძელბეწვიანი ძაღლების შემთხვევაში კი თუ საჭიროა გაკრეჭვა.

გაითვალისწინეთ , რომ ძაღლის ხშირად დაბანა არ არის რეკომენდირებული. განსაკუთრებით ზამთარში.

მომზადებულია "ჩვენი დილა"-ს მიხედვით