ემზარ კვიციანი შესაძლოა დღეს სასამართლო დარბაზიდან გაათავისუფლონ. ინფორმაციას მისი ადვოკატი რევაზ კახნიაური ავრცელებს.

„სასჯელის ნაწილში 11 თვიან სასჯელს ვჯერდებით და აღნიშნულ სასჯელზე მოვაწერეთ ხელი, ბრალის ნაწილში, ჩვენ თავს უდანაშაულოდ ვცნობთ, დაველოდოთ 28-ს. ვადასტურებთ, რომ ხელმოწერილია საბუთი, შეთანხმება, მაგრამ იმედი გვაქვს რომ პროკუტარურა თავის პოზიციას აღარ შეცვლის, იმიტომ რომ ეს იქნება უბრალოდ თამაში“,-განაცხადა რევაზ კახნიაურმა.

საპროცესო შეთანხმებაზე ხელისმოწერა, მხოლოდ მას შემდეგ გახდა შესაძლებელი რაც კვიციანის საქმის პროკურორი სამსახურიდან გაათავისუფლეს. ქუთაისის სააპელაციო სასამართლოს სხდომა 15:30 საათზე გაიმართება.