საბერძნეთის ვადამდელ არჩევნებში გამარჯვებული პარტია "სირიზას" ლიდერი ალექსის ციპრასი ქვეყნის პრემიერმინისტრი გახდა. 40 წლის პრემიერი ცერემონიაზე უჰალსტუხოდ მივიდა.

ის საბერძნეთის პირველი ლიდერი გახდა, რომელმაც ფიცი ბიბლიაზე არ დადო. მან ფიცი პრეზიდენტის წინაშე, კონსტიტუციაზე დადო და პრეზიდენტ კარლო პაპულიასს განუცხადა, რომ მათ წინ რთული გზა აქვთ.

პრემიერმინისტრის რანგში, მან წინააღმდეგობის მებრძოლების საფლავი წითელი ვარდებით შეამკო.

"სირიზამ" პარლამენტში 300–დან 149 მანდატი მოიპოვა, რის შემდეგაც შექმნა კოალიცია დამოუკიდებელ ბერძნულ პარტიასთან.