ევროკავშირის წევრი ქვეყნების ლიდერები, საგარეო საქმეთა მინისტრებს, რუსეთის წინააღმდეგ სანქციების გაფართოებისკენ მოუწოდებენ.

„აღმოსავლეთ უკრაინაში ვითარება კრიტიკულია. ამასთან დაკავშირებით, მივმართავთ საგარეო საქმეთა მინისტრებს, სწორად შეაფასონ განვითრებული მოვლენები და მიიღონ შესაბამისი ზომები. კერძოდ, გადახედონ რუსეთის მიმართ დაწესებულ სანქციებს და იფიქრონ მათ გამკაცრებაზე. მიიღონ ისეთი ზომები, რომელიც უზრუნველყოფს მინსკის მოლაპარაკებით გათვალისწინებული პუნქტების შესრულებას. მოვუწოდებთ რუსეთს, შეწყვიტოს ბოევიკების დახმარება და შეასრულოს მინსკის ხელშეკრულებით გათვალისწინებული შეთანხმებები“- ნათქვამია ლიდერთა მიერ გავრცელებულ ერთობლივ განცხადებაში.