გუშინ საბერძნეთში ვადამდელი საპარლამენტო არჩევნები გაიმართა. წინასწარი მონაცემებით, ოპოზიციური პარტია „სირიზა“ ლიდერობს. კვლევვების მიხედვით, ამომრჩეველთა 37%-მა „სირიზას“ დაუჭირა მხარი. ამ დროისთვის დათვლილია ხმების 75%, რომლის მიხედვითაც გაერთიანება „სირიზამ“ საკანონმდებლო ორგანში 149 ადგილი მოიპოვა.

ვადამდელი საპარლამენტო არჩევნების ჩატარების აუცილებლობა მას შემდეგ გადაწყდა, რაც ქვეყნის პარლამენტმა პრეზიდენტი ვერ აირჩია.

პარტიის ლიდერი, ალექსის ციპრასი, არჩევნებამდე გამოდიოდა ინიციატივით, რომ უარს იტყოდა ევროკავშირის ანტიკრიზისულ პროგრამასა და ვალების გადახდაზე. ევროკავშირში კი მიიჩნევენ, რომ საბერძნეთმა მონეტარულ ერთიანობას პატივი უნდა სცეს.