უკრაინა მარიუპოლში დატრიალებულ ტრაგედიაზე პასუხისმგებლობას რუსეთს აკისრებს

მსოფლიო - 19:35, 24 Jan, 2015

2550

უკრაინის საგარეო საქმეთა სამინისტრომ სპეციალური განცხადება გაავრცელა მარიუპოლში განვითარებულ მოვლენებზე.
"24 იანვარს ტერორისტებმა მორიგი საშინელი დანაშაული ჩაიდინეს კაცობრიობის წინააღმდეგ. მარიუპოლის დასახლებული რაიონების დაბომბვის შედეგად დაიღუპა 20, ხოლო დაიჭრა 80 მშვიდობიანი მოქალაქე. წინასწარი მონაცემებით დაბომბვა განხორციელდა საარტილერიო დანადგარ «Град»-ის მეშვეობით,მთელი მსოფლიო გამოთქვამ,ს ღრმა მწუხარებას დაღუპულთა გამო და თანაუგრძნობს მათ ოჯახებს," - ნათქვამია განცხადებაში.

უკრაინის საგარეო საქმეთა სამინისტრო აცხადებს, რომ მომხდარი აუცილებლად იქნება გამოძიებული და დამნაშავეები სასტიკად დაისჯებიან. ამასთან, საგარეო უწყება მოუწოდებს ეუთოს მისიას, ჩაერთოს აღნიშნულ გამოძიებაში.

"დაბომბვა განხორციელდა ე.წ. "დონეცკის სახალხო რესპუბლიკის" ტერორისტული დაჯგუფებების ხელმძღვანელთა მუქარის შემცველ განცხადებების ფონზე, რომლებიც უკრაინის ქალაქების შეტევისკენ მზადყოფნას გამოთქვამდნენ. ასევე, შეინიშნებოდა რუსეთის შეიარაღებულ ძალების ქვედანაყოფების, ტექნიკისა და იარაღის გადაადგილება დონეცკისა და ლუგანსკის ოლქების მიმართულებით. რუსეთი კვლავაც აგრძელებს ტერორისტული დაჯგუფების მხარდაჭერას, ხოლო მისი სამხედრო მოსამსახურეები უშუალოდ იღებენ უკრაინის წინააღმდეგ სამხედრო მოქმედებებში მონაწილეობას.შესაბამისად რუსეთის ფედერაცია უშუალოდ არის პასუხისმგებელი უდანაშაულო ადამიანების დაღუპვაში," - ნათქვამია განცხადებაში.