თბილისის საკრებულოს დეპუტატი კობა კობალაძე სოფელ ყარაფილაში მომხდარ ფაქტს ტერაქტს უწოდებს. მისი თქმით, იური ვაზაგაშვილის მიმართ აფეთქება მიზანმიმართულად განხორციელდა.

„აღნიშნული აქტი კონკრეტული პიროვნების მიმართ მიზანმიმართულად განხორციელდა. ფაქტი რეალურად შესაწავლია. გამოყენებულია წნევის გამომწვევი ასაფეთქებელი ნივთიერება. არ ვიცი, კონკრეტულად რა სახის ნივთიერება ან ხელსაწყო იყო გამოყენებული. არსებობს რამდენიმე ნაირსახეობა, მათ შორის თავდაცვისუნარიანობის, ქვეითსაწინააღმდეგო...შეიძლება ეს იყო შეხების დროს რეაქციის გამომწვევი, შეიძლება იყო რადიოტალღოვანი. საზოგადოება ელოდება პასუხს. პროცესი ალბათ, ცოტა დაჩქარდება, თუნდაც იმის გამო, რომ ბატონი იურა სამართალს ზვარაკად შეეწირა“, - განაცხადა კობა კობალაძემ.