აღმოსავლეთ უკრაინის ქალაქ მარიუპოლში, ვითარება უაღრესად დაძაბულია. ადგილობრივი მოსახლეობის ცნობით, ქალაქი ამ წუთებშც იბომბება. მათივე ინფორმაციით, „ბოევიკების“ მიერ ნასროლი ჭურვი ქალაქის ბაზარს მოხვდა, არიან დაჭრილები და გარდაცვლილები. დაუზუსტებელი ინფორმაციით, ბაზრის აფეთქების შედეგად დაშავდა 30-ზე მეტი ადამიანი, გარდაცვლილები კი ერთი ოჯახის წევრები არიან.

უკრაინის სამხედრო ძალების პრესსამსახურის ცნობით, ყველა ფრონტი მათი კონტროლის ქვეშ იმყოფება. „ რაც შეეხება მარიუპოლოს დაბომბვას, მიმდინარეობს ინფორმაციის დაზუსტება მსხვერპლის შესახებ“ - ნათქვამია განცხადებაში.

უკრაინული მედიის ინფორმაციის, მარიუპოლის ქუჩებში მანქანები და შენობები იწვის. ქალაქს არ მიეწოდება წყალი და ელექტროენერგია. ქალაქში მასობრივი ისტერიკაა. მოსახლეობა მარიუპოლს ტოვებს.