რუსეთის პრეზიდენტმა, ვლადიმერ პუტინმა მინისტრთა კაბინეტის წევრებთან შეხვედრისას განაცხადა, რომ აღმოსავლეთ უკრაინაში სიტუაციის გაუარესებაში, მშვიდობიანი მოსახლეობისა და ჯარისკაცების დაღუპვაში დამნაშავე უკრაინის ხელისუფლებაა.

პუტინის თქმით, პოროშენკომ მისი შეთავაზება ცეცხლის შეწყვეტისა და სამხედრო ძალის გაყვანის შესახებ, უპასუხოდ დატოვა.

„ შედეგად მივიღეთ ათეულობით დაღუპული ჯარისკაცი ორივე მხრიდან. ყველაზე ტრაგიკული კი ის არის, რომ უკრაინის ხელისუფლების საქციელს მშვიდობიანი მოსახლეობაც შეეწირა, მათ შორის ბავშვები, ქალები და მოხუცები“- განაცხადა პუტინმა.

შეგახსენებთ, ბოლო 24 საათის განმავლობაში , „ბოევიკებმა“ 115-ჯერ გახსნეს ცეცხლი. მათი თავდასხმის ობიექტი, დღეს მოხუცთა თავშესაფარიც აღმოჩნდა.