პოლონეთის პრეზიდენტის, ბრონისლავ კომოროვსკის განცხადებით, ამ ეტაპზე უკრაინის ნატოში გაწევრიანების პირობები არ არსებობს.

„უნდა ვიყოთ გულწრფელები და ვაღიაროთ, რომ დღეს ნატოს თავის რიგებში უკრაინის მიღება არ შეუძლია. თუმცა არ ვამბობ, რომ ეს არასოდეს მოხდება“- განაცხადა კომოროვსკიმ.

მისი თქმით, ევროკავშირი უკრაინას ეკონომიკური და პოლიტიკურ საკითხებში, ასევე ნატოსთან დაახლოებაში უნდა დაეხმაროს , თუმცა სამხედრო დამხარების წინააღმდეგ გამოდის.

„არ ღირს ცეცხლზე ნავთის დამატება. ეს შესაძლოა მეტი ზიანის მომტანი აღმოჩნდეს უკრაინისთვის“- აღნიშნა მან.

შეგახსენებთ, დღეს დილით კომოროვსკიმ უარყო გავრცელებული ინფორმაცია, იმის შესახებ, რომ უკრაინულ სამხედროებს პოლონეთის შეიარაღებული ძალები პირდაპირ მხარდაჭერას გამოუცხადებენ.