ზურაბ ჟვანიას დაცვის ყოფილი უფროსის კობა ხაშილაძის ინფორმაციით, ჟვანიამ ტუჩთან დაზიანება მაშინ მიიღო, როდესაც მას ხელოვნურ სუნთქვას უტარებდა.

ხარშილაძე იმ დროს იხსენებს, როდესაც ყოფილი პრემიერი გარდაცვლილი ნახა. მისი თქმით, მას შემდეგ რაც შეატყო, რომ ზურაბ ჟვანიას პულსი არ ესინჯებოდა, გადაწყვიტა მისთვის ხელოვნური სუნთქვა ჩაეტარებინა.

„ხელოვნურმა სუნთქვამ შედეგი არ გამოიღო და მივხვდი, რომ გარდაცვლილი იყო. ამის შემდეგ გავაგებინე გარდაცვალების ამბავი მიხეილ ძაძამიასაც. მაშინ გარეგნულად პრემიერიც დავათვალიერე და უსუპოვიც, არც ერთს დაზიანება არ ჰქონდა. ზურაბ ჟვანიამ ტუჩთან დაზიანება მას შემდეგ მიიღო, რაც ხელოვნურ სუნთქვას ვუტარებდი“, - განაცხადა ხარშილაძემ.