დღეს დილით რუსმა ოკუპანტებმა საბერიო-წყოუშის საოკუპაციო ხაზზე არასრულწლოვანი ბავშვი დააკავეს. შემთხვევა იმ დროს მოხდა, როდესაც ისინი წყოუშის სკოლაში გაკვეთილებზე დასასწრებად მიდიოდნენ. სამივე ბავშვი, დაახლოებით ოთხი საათია, რუსულ საგუშაგოზე ჰყავთ გაჩერებული და უფლებას არ აძლევენ, რომ მშობლებს დაურეკონ. ერთ-ერთი ბავშვი შეუძლოდ გახდა, რის შედეგად იქვე მცხოვრები მოსახლეობა მივიდა საგუშაგოსთან და მათ ოკუპანტებს სთხოვეს, რომ ბავშვის ნახვის უფლება მიეცათ.

როგორც ცნობილია, ბავშვების მშობლები მავთულხლართების მეორე მხარეს ცხოვრობენ. რუსი ოკუპანტები ადგილობრივ მოსახლეობას საშუალებას არ აძლევნენ გადავიდნენ დაკავებულების მშობლებთან და მომხდარის შესახებ აცნობონ.

არსებული ინფორმაციით, ბავშვები რთულ ვითარებაში იმყოფებიან. როგორც ცნბილია, ოკუპანტები ბავშვებს უყვიროდნენ და ეუბნეოდნენ, რომ ბავშვებს მშობლებს აღარ აჩვენებდნენ.

შეგახსენებთ, დაახლოებით თვენახევრის წინ რუსმა ოკუპანტებმა გადმოწიეს სასაზრღვო ზოლი და ამის გამო დაკავებული ბავშვების და კიდევ რამდენიმე ოჯახი მავთულხლართებს მიღმა მოხვდნენ.