გერმანიის კანცლერის, ანგელა მერკელის განცხადებით, რუსეთმა მსოფლიო მშვიდობის ყველა ძირითადი პრინციპი დაარღვია. ამის შესახებ გერმანიის კანცლერმა, დავოსის ეკონომიკურ ფორუმზე ისაუბრა.

„ყირიმის ანექსია, ეს უბრალოდ ანექსია კი არ არის, არამედ ეს იმ პრინციპებს დარღვევაა, რომლებიც მეორე მსოფლიო ომის შემდეგ ევროპამ გაითავისა და რომლებიც, ხალხს მშვიდობიანი ცხოვრების გარანტს უქმნიდა. კერძოდ, სახელმწიფოს საზღვრების ხელშეუხებლობისა და ტერიტორიული მთლიანობის პატივისცემის პრინციპი“- განაცხადა მერკელმა.
მერკელმა რუსეთს შეახსენა, რომ ბუდაპეშტის მემორანდუმით, ის უკრაინის სუვერენიტეტის, ტერიტოიული ერთიანობისა და დამოუკიდებლობის გარანტი იყო. თუმცა, რუსეთმა ეს შეთანხმებაც დაარღვია. „ახლა კი რთულია იმის თქმა, რომელი ქვეყანა წავა უკრაინის წინააღმდეგ, თუკი ბირთვული აირაღის გამოყენებას გადაწყვეტს. რუსეთის მიმართ სანქციები აუცილებელი იყო და მათი დაწესების მიზეზის აღმოფხვრამდე გაგრძელდება. ჩვენ არ მივატოვებთ უკრაინას “- აღნიშნა მერკელმა.