იური ვაზაგაშვილის გარდაცვალების საქმეში ახალი გარემოებები იკვეთება. არსებული ინფორმაციით, ასაფეთქებელი საშუალება, რომელმაც ვაზაგაშვილის იმსხვერპლა, რუსული წარმოების იყო. გავრცელებული ინფორმაციით, მისი დამონტაჟება 20 იანვარს გამთენიისას მოხდა.

„მიმდინარეობს კვლევა თუ რომელი მოდელის იყო ასაფეთქებელი მოწყობილობა. ეს არის ცოცხალი ძალის გასანადგურებლად შექმნილი საბრძოლო სახის ასაფეთქებელი საშუალება. ვისაც იარაღზე მიუწვდება ხელი, მას ამ მოწყობილობის შეძენაც შეუძლია“, - ამბობს დამოუკიდებელი ექსპერტი ზაზა ალთუნაშვილი.

დღეს ვაზაგაშვილის ოჯხის ადვოკატებმა და ექსპერტებმა იური ვაზაგაშვილის ავტომობილი კიდევ ერთხელ დაათვალიერეს. თუმცა ისინი კონკრეტულ საეჭვო დეტალებზე ამ დროისთვის არ საუბრობენ.