უკრაინის სახალხო დეპუტატი და „მემარჯვენე სექტორის“ ლიდერი, დიმიტრი იაროში დონეცკის აეროპორტში ბრძოლისას დაიჭრა. ინფორმაციას, „censor.net ua”-ს რედაქტორი, იური ბუტუსოვი ფეისბუქის გვერდზე ავრცელებს.

„დიმიტრი იაროში დონეცკის აეროპორტში ბრძოლისას მძიმედ დაიჭრა. თუმცა მისი ევაკუაცია დროზე მოხდა და მის სიცოცხლეს საფრთხე არ ემუქრება“ - წერს ბუტუსოვი.

მისივე ინფორმაციით, ექიმების განცხადებით, ჭურვის ნამსხვრევებმა დეპუტატს ხელი და თავი დაუზიანა.