საფრანგეთის პრემიერ-მინისტრის, მანუელ ვალსის განცხადებით, საფრანგეთის მთავრობა ტერორიზმთან ბრძოლის საწინააღმდეგოდ, 2 680 ახალი სამუშაო ადგილის შექმნასა და დამატებით 425 მილიონ ევროს გამოყოფას გეგმავს. მისი თქმით, არსებული ექსტრემისტული საფრთხის ფონზე, მსგავსი ზომების მიღება აუცილებელია.

„ტერორიზმის წინააღმდეგ დაუნდობელ ბრძოლას განვაგრძობთ“- განაცხადა ვალსმა.

შეგახსენებთ, პარიზის ტერაქტებს 17 ადამიანის სიცოცხლე ემსხვერპლა. Charlie Hebdo-ს რედაქციაზე განხორციელებული ტერორისტული აქტის შემდეგ, საფრანგეთის მთავრობამ უსაფრთხოების ზომები გააძლიერა. ქვეყნის სტრატეგიული მნიშვნელობის ობიექტებსა და საზოგადოებრივი თავშეყრის ადგილებს 10 000-მდე სამხედრო პირი იცავს.