უკრაინის უმაღლესი რადას თავმჯდომარე, ალექსანდრე ტურჩნოვი აცხადებს, რომ რუსეთის მთავარი მიზანი, უკრაინის დამოუკიდებლობისა და სახელმწიფოებრიობის განადგურებაა.

„მიუხედავად იმ სცენარისა, რომლის განხორციელებსაც რუსი ოკუპანტები აპირებენ, მათი მთავარ მიზანს უკრაინის სუვერენიტეტისა და სახელმწიფოებრიობის განადგურება წარმოადგენს“ - განაცხადა ტურჩინოვმა.

„რეგიონში რუსული სამხედრო კონტიგენტი იზრდება. ოკუპირებული ტერიტორია რუსული იარაღითა და ტექნიკით მარაგდება. მიმდინარეობს მთელი რიგი ბრძოლები, სამუშაოები და ამავდროულად არ არსებობს პანიკა“- აღნიშნა მან.

ჟურნალისტის კითხვაზე, არის თუ არა მშვიდობიანი მოლაპარაკებები აქტუალური, ტურჩნოვმა უპასუხა: „დღეს აქტუალური უკრაინის დაცვაა!“

უკრაინული მედიის ინფორმაციით, დღეს ტურჩნოვი იმ ზონაში აპირებს ჩასვლას, სადაც ბოევიკებმა თავდასხმები გაახშირეს.