აღმოსავლეთ უკრაინაში ვითარება კვლავ დაძაბულია. პრორუსული „ბოევიკები“ უკრაინული დასახლებების ხელში ჩაგდებაზე საუბრობენ. ამის შესახებ ინფორმაციას „რია ნოვოსტი“ ავრცელებს.

„როგორც რესპუბლიკის ხელმძღვანელი დაგვპირდა, დღის ბოლოს პესკიზე სრული კონტროლი გვექნება, იგივე ბედი ელის ავდეევკისაც“ - განაცხადა ამბოხებულთა შტაბის მეთაურმა, ედუარდ ბასურინიმ.

მისივე განცხადებით, პესკიზე სრული კონტროლის მოსაპოვებლად, ლოკალური შეტაკებები ცალკეულ უბნებზე ამ დრომდე გრძელდება.

აღმოსავლეთ უკრაინაში სამხედრო მოქმედების განახლების შემდეგ, ათობით მშვიდობიანი მოსახლე და მებრძოლი დაიღუპა.