კონგრესისადმი მიმართვაში, ბარაკ ობამამ „ისლამური სახელმწიფოს“ წინააღმდეგ სამხედრო ძალის გამოყენებაზე ისაუბრა. ობამას თქმით, იგი გმობს მსოფლიოში დაწყებულ ანტისემიტიზმის ახალ ტალღას და არ ეთანხმება მუსლიმებთან დაკავშრებით არსებულ სტერეოტიპებს.

ამერიკის პრეზიდენტმა კონგრესს ინიციატივით მიმართა, მიიღონ რეზოლუცია „ისლამური სახელმწიფოს“ წინააღმდეგ სამხედრო ძალის გამოყენების შესახებ.

„ახლო აღმოსავლეთში, ახალი კონფლიქტის გაღვივების ნაცვლად, ჩვენ ვხელმძღვანელობთ სახელმწიფოებრივ კოალიციას და ვიბრძვით ტერორისტული დაჯგუფებების გასანადგურებლად. მინდა კონგრესს მოვუწოდო, ვაჩვენოთ ჩვენი ერთობა და მიიღოს რეზოლუცია, „ისლამური სახელმწიფოს“ წინააღმდეგ სამხედრო ძალის გამოყენების შესახებ“ - განაცხადა აშშ-ის პრეზიდენტმა.