რუსეთის ეკონომიკური და პოლიტიკური იზოლაცია საერთაშორისო არენაზე, ყირიმის ანექსიის საპასუხოდ აშშ-ის საგარეო პოლიტიკის წარმატებაა - განაცხადა ამერიკის პრეზიდენტმა, ბარაკ ობამამ კონგრესისთვის ყოველწლიური მიმართვისას.

„გასულ წელს ჩვენს მოკავშრეებთან ერთად რთული სამუშაო შევასრულეთ, რუსეთისთვის სანქციების დაწესებით. მაშინ, როცა ზოგიერთი ფიქრობდა, რომ პუტინის აგრესია მისი ძალისა და ოსტატობის დემონსტრირება იყო. დღეს ამერიკა ძლიერი და ერთიანია თავის მოკავშირებთან ერთად, რუსეთი კი იზოლირებულია, მისი ეკონომიკა იშლება“- განაცხადა ობამამ.

„რუსეთის აგრესიის წინააღმდეგ , უკრაინის ტერიტოლიური მთლიანობის დაცვით ამერიკა ნატოსთან ერთად იცავს პრინციპს, რომ დიდ სახელმწიფოებს არ აქვთ უფლება დაემუქრონ პატარა სახელმწიფოებს“ - დასძინა აშშ-ის პრეზიდენტმა.