მთავარ პროკურატურაში იური ვაზაგაშვილის ოჯახის ადვოკატი და დამოუკიდებელი ექსპერტი მივიდნენ.

ისინი ვაზაგაშვილის კუთვნილი მანქანის დალუქვის პროცესს ესწრებიან.

„შემთხვევის ადგილი იქნა დათვალიერებული, ჩატარდა საგამოძიებო მოქმედება და ცალსახად შეიძლება ითქვას, რომ ბატონი იური ვაზაგაშვილი ააფეთქეს მისი საკუთარი შვილის საფლავზე. მისი მართვის ქვეშ მყოფი ავტომობილი დაილუქა და ამჟამად მიმდინარეობს საგამოძიებო მოქმედება," - განაცხადა გაგი მოსიაშვილმა.

მკვლელობის ვერსიაზე საუბრობს დამოუკიდებელი ექსპერტი ზაზა ალთუნაშვილიც.

„დღესდღეობით, გამოკვეთილი ბოლომდე არ არის სურათი, მაგრამ წინასწარი კვლევის შედეგებზე შეიძლება რაღაც წარმოდგენა გვქონდეს," - განაცხადა ექსპერტმა.

იური ვაზაგაშვილის გარდაცვალების საქმეში დამოუკიდებელი ექსპერტი ზაზა ალთუნაშვილი ოჯახის მოთხოვნით ჩაერთო.